Paraguái Sandykôi

Che apytu’ü  hypy’üvehágui okukúi

Ñe’ëyvoty omimbi ha iñapesãmbáva

Mayma che retãguaite oñandúva

Moköi sa arýguima tapérehe oipykúi.

Tetã pyahu rekávo ñaikundaha

Oïhápe tekojoja ha py’aguapy

Mba’eveichagua ani ñanembojoavy

Ha arapy rehe tojeikuaa ñanemba’apoha.

Hetáma ningo ojejahéi ñane retãre

Ku ñande poyvi chalaimiramo jepe

Araka’eve naitïndýiva upevére

Kirirïme osapukáiva opa araite.

Jajepytasóke peteï ñe’ëme paraguaigua

Ko sandyköi taisarambi, arapy rehe tojeikuaa

Ndaha’eiha pokarë ha mba’apose’ÿre oñemoañetéva

Arandu hypy’ü ha kyre’ÿ ñanembojepokua.

Néina lo mitã ñañomboheta

Ku kavytãicha ñahuã’imbaite

Ñamuñamba umi ndohayhúiva tetã

Taipytuhëmijey yvy guaraniete.

Molas, Yegros, Francia ha Caballero

Ãvako ha’e ñande ypy, leö guaraní

Ñemotï ndoikuaaichéne mba’eveichavérö

Tove py’arorýpe yvága guive ñanderovasami

Ñande poyvi pytã, morotï  hovy

Tove ikurahy’ãme maymáva ñaime

Tekojoja, py’aguapy ha tekosãsóme

Opoñýre ñande retére guaraní ruguy

Ohai: Te'o (Oscar Teodoro Martínez Campuzano)