Discurso en guarani Dia de los Héroes

Kuñakarai

Karaikuéra ha maymávape.

Maitei rory horyvéva opavetévape g͂uara͂.

Tuicha ko angapyhy ojapokóiva che ñe`a͂re ikatuhaguére aipyaha che ñe`e͂ ko árape, ko ára petei jasyapýpe ñamomandu`áva opiate tapicha marangatúpe oikuave`e͂va`ekue hekove ñane reta͂ rayhupápe.

Ojapóma sa irundypa petei͂ ary omanohague ku karai Mariscal Francisco Solano López Cerro Corape, avei ani jaheja tesaráipe umi ambue tapichakuérape omanova`ekue  Ñorairo͂ guasu  ha Cháko ñorairo͂me. Omano guive Mariscal López pe 1870.pe Ysyry Aquidaban rembe`ýpe oñemondoho pe ñorairo͂rei ojukareiva`ekue heta tapichápe po ary jave.

Ñamoñe`e͂ve umi kuatia arandukakuéra jahechakuaa mba`éichapa ko tekove marangatu ohayhuraka`e heta͂me ndoipotáigui pytaguakuéra oñemomba`e hese oñorairo͂ omano meve.

Ambue teta͂me avei oi͂ heta karai oñorairo͂va`ekue heta͂ rayhupápe, ágakatu Mariscal López ichagua ndaipóri. Ha`e he`iva`ekue omanóne hag͂ua Paraguái mo`a͂háraro͂ ha nde`ireíri, ko`ág͂a ñanemandu`áma umi mba`e vai jahasava`ekuére. Ko`ág͂a ñane reta͂me ndaiporivéima pe ñorairo͂, hákatu ndaikatúi ñañembyesaráiro͂ umi techapyra͂ro͂ ohejava`ekue ñandéve;

Avei ani ñanderesarái heta tahachi, karai, kuña ha mita͂mimi oipysyro͂va`ekue mbaretépe ñane reta͂ pora͂ite.

Ko`ága peve  jagueroguata umi mba`e vai oikova`ekue ñande rehe, jepémo oi͂ tapicha oipysyro͂va ñane reta͂me.

Opámajepe umi ñorairo͂rei hákatu ko`ága ñane reta͂me jaguereko ivaivéva ha`éva japu, mboriahu, jekyhyje, ñemonda, tavy ha pa`u͂ ndaipóri ikatu hag͂ua ñañehekombo`e hekoitépe, oi͂ gueteri pe mbarete ojepuruhápe.

Ára ha ára tapichakuéra oñeha`a tape rehe, mba`apohápe ha ogaha rupi jahechápa nomoguaheimi pe hi`ura hogapýpe.

Nahi`a͂i mba`eve ja`éva opyta ñe`e͂mente, maymáva tamora`e ojetyvyro pe mba`apoha rupi oipytyvo͂ hag͂ua teta͂me. Ko teta͂ ohóne tenonde ogue vove ñande apytégui pe tekojoja`y͂, pe joayhu`y͂ ha ikatu vove mayma tatayguáva ja`e py`arorýpe opavaveha oñopehengue. Ha nga`u umi ary oúva ñandejuhu py`aguapy ha joayhupópe, upéicharamo añoite pe Mariscal López opukavýne amo yvágape, ha he`íne ndareiriha heta oñorairo ko Paraguái, ha ohechávo ñande poyvi oveve pe árare horýne pe iñe`a͂.

Péicha ñanemandu`a ko tembiasakue ohasava`ekuére ñane reta͂ ha tapichakuéra.

Amohu`a͂vo che ñe`e͂mi ame`e͂ opaitevape g͂uara͂ aguyjetaite cherendumihaguére.

Aguyje.